Mbrëmjen e 15 Shtatorit, pas shpërthimit me tritol të makinës së Preng Gjinit, policia shkoi në banesën e vëllezërve Reçi dhe i gjeti të gjithë aty. Pasi i ka shoqëruar grupi hetimor ka pyetur vëllezërit Reçi nëse kishin dijeni për ngjarjen. Tonin, Paulin, Martin, Alfred dhe Gjovalin Reçi kanë mohuar se kishin konflikt me Preng Gjini.<br /><br />Ata madje theksuan se nuk kanë se pse të hakmerren për vrasjen e vëllait të tyre, por presin nga policia që të zbardh vrasjen. Vëllezërit Reçi u shprehën se e njihnin Preng Gjinin pasi ka qenë polic dhe banor i Rrëshenit, por nuk kanë patur komunikime me të. Duket se të gjithë personat që janë marrë në pyetje nga policia kanë mohuar çdo lidhje me atentatin e një jave më parë.<br /><br />E vetmja shpresë mbeten kamerat e sigurisë, nëse do të zbulohet ndonjë nga personat që ndodhej në zonë, i cili dyshohet se mund të ketë ndezur me telekomandë, tritolin që ndodhej poshtë makinës së Preng Gjinit.<br /><br />50-vjeçari është vëllai i Armando Gjinit, të vrarë 1 vit më parë në Rrëshen. Në vitet e fundit 5 vrasje kanë ndodhur në Shqipëri, Itali e Belgjikë, që dyshohet nga konfliktet mes dy familjeve.<br /><br />Tv Klan<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
